Sports

India Open Proa Saina Nehwal Olai Jaise

Ace shuttler Saina Nehwal toh Wednesday te Indian Open BWF World Tour Super 500 pora olai jai kile koiel tai toh acute gastroenteritis(gastric bimar) bimar pora bhal hobole napariya nimite ase, etu khel toh New Delhi te Tuesday pora shuru hobole ase. Saina, kono jowa Monday te 29 saal umar hoise, toh All England Championships tournament laga aagete acute gastroenteritis aro olop pancreatitis bimar olai kena pura tournament te bimar pora bekhai kena khelise. Jowa habta, tai toh Swiss open pora olai jabole laagise aro tai toh hospital te treatment nimite jai kena thakise. Wednesday te, Saina pora Badminton Association of India (BAI) ke khobor korise ki tai toh USD 350,000 tournament pora olai jabole laga fesla toh bimar howa nimite loie koikena.

“Tai toh All England Championship laga samoy pora hi bimar thakise. Tai pro aped bekha nimite olai jabo koikena chitti lekhikena bothaise,” ekjun BAI official pora PTI ke koise.

Jowa habta, Saina, kono All England Championship laga quarter-finals te punchise, pora khobor dise ki tai ke tai laga bimar nimite treatment koribo nimite hospital te jabi koikena koise.

Saina pora 2015 teI ndia Open women’s singles title jitise. Olympic silver medallist aro purana champion PV Sindhu toh Women’s Singles te etiya India laga ekla kheliya manu hobole ase.