Entertainment

India Te Joldi Ahibole Ase, ‘Avengers: Endgame’ Laga Star Robert Downey Jr Pora Koise

Team Stark laga India te dhakiya manu khan pora Robert Downey Jr aka Iron Man ke tai khan Delhi, Mumbai, Chennai aro Bengaluru te Sunday morning te tai khan laga  favourite superhero ke log kuribole ahiya somoy te tai khan laga morom aro support pora khushi pai dise.

Downey Jr, 2008 pora suru kuri kena ektam phal character kuri kena ahiya actor, seoul pora tai laga Indian fan logot te live kodha kuri dhakise.

Tai etya “Avengers: Endgame” ke South Korea te co-stars Brie Larson, Jeremy Renner aro directors Anthony aro Joe Russo khan logot te promote kuri ase.

Actor ke ektam smart character laga nam pora jani dhakibo, hoile bhi tai screen te ula somoy te tai laga fans khan pora ektam jor pora jila karne tai ke ektam chup kuri dise.

Downey Jr, 54, video conference somoy te tai ektam emotion logot te moon te dhakise aro India te joldi ahibole wada kurise.

“Abni khan toh ektam phal fans ase. Moi rukhibole naparibo. Moi India te ekbar bhi najowa ke moi ektam asurat ase. Moi tade ektam joldi ahibole ase,” actor pora jarta metros te tai ke log kuribole ahiya 1,500 fans khan logot te koise.

Marvel laga jarjun fan ke hi tai khan laga superhero ke sawal hudibole moka paise aro actor etu kodha sob hunise.

Ekta fan pora tai logot te Endgame te pora ekta kahani kobole paribo na nai koi kena hudiya somoy te, actor pora ektam emotional jawab dise ki sal upor te bhag  kuriya  laga yadash khan sob film te milai kena dhakibo.

“Moi logot te yadash toh nai toh etu toh ektam phal hobole pare. Moi abni khan ke hosa kobo, Moi khan pora ‘Infinity War’ aro ‘Endgame’ tweita bhi bonaise, moi khan pora taikhan ke back pora back shot kurise aro Avengers aro Guardians aro sob eksat somoy bhela laga somoy dhakise.

“Etu ‘Endgame’ pora moi khan laga jivan te ektam eksat somoy beta laga present,” Tai pora koise.

Video conference toh jarta cities laga cinema halls te dhakise, aro Iron Man ke khushi bowa manu khan pora tai laga posters dhuri kena, tai laga T-shirts lakai kena aro ‘RDJ’ koi kena jilai kena theatres te tai bonja somoy te rukhi dhakise.

Jawn fans, Tony Stark ke tangor screen te Avengerske lead kuri kena saidan khan loogot khilaaf kuri kena larai kuriya ke hodai dekhi dhakiya bacha, star logot te kodha kuri kena ektam alak ekta lagise.

Tai khan Downey Jr ke log kuribole rukhiya somoy te, Q&A session te tai khan logot te official Marvel T-shirts dise.

“Endgame” toh India te April 26 te release kuribole ase.

Etu film te Chris Evans, Mark Ruffalo, Chris Hemsworth, Scarlett Johansson, Don Cheadle, Paul Rudd, Karen Gillan, Danai Gurira, Bradley Cooper, Tessa Thompson aro Josh Brolin khan ulai ase.