PERTH, AUSTRALIA: Perth, Australia te India aro Australia 2nd Test khili ase. Day 1 te Australia pora 277/6 runs marikena thakise. Hoilebhi ito toh Australia karoni advantages ase, kile koile Perth laga pitch toh ektum Bowler friendly pitch ase. Australia laga Opening batsman toita Marcus Harris (70) aro Aaron Finch (50) pora 112 runs opening partnership korikena, India laga bowler khan ke ektum dhuk tise. Lunch pijete pitch Indian bowler karoni olop phal hoise aro last 2 session te 6 wickets loise.
Indian bowler nimete Pacer Ishant Sharma (2/35) , spinner Hanuma Vihari (2/53) , Bumrah (1/41) aro Umesh Yadav (1/68) koikena wickets loise. Aro Australia nimete Marcus Harris (70), Aaron Finch (50) , Shaun Marsh (45) , Peter Handscomb (7), Travis Head (58) thakise. India laga captain Virat Kholi pora ektum phal catch ekta korikena Handsconb ke out koritise.
India pora play laga second hour te pise phal bowl korise aro 13 overs te khali 19 runs hi tise. Itia toh 2nd day khilebole ase.
Add Comment