Sports

September de Mizoram Premier League suru

AIZAWL, August 30, 2018: Mizoram Premier League laga seventh edition toh September 6 pora suru hobo Lammual (Assam Rifles ground) jaga de. Wednesday de Mizoram Football Association (MFA) laga official pora janaideya toh, season -MPL7- laga official toh  Chanmari YMA Hall jaga de August 31 pora suru hobo koise. Etu season karni eight clubs – Aizawl FC, Bethlehem Vengthlang FC, Chanmari FC, Chawnpui FC, Chhinga Veng FC Electric Veng FC, Mizoram Police aro Ramhlun North FC toh final prize karni khelibole ase. League round time de team khan ekta-ekta logode tui-par log pabole ase aro top four teams toh semi-final akrni qualify hobole ase. MPL7 laga final toh December 7 pora suru hobole ase. Sob MPL7 matches toh Assam Rifles ground jaga de khelibole ase. Ekta round toh Aizawl pahar de khelibole ase. Etu khel laga round aro venue toh bechide janaidebo koise. Assam Rifles ground de khelibole laga match toh 2pm aro 7pm de thakibo. League round karni ticket dum toh Rs 30 thakibo, semi-final karni Rs 50 thakibo aro finals karni Rs 100 thakibo.Students khan uniform lagai kena thaga aro citizens khan 65 sal opor khan free kushibole paribo koise.