Jowah kali Jakhama Local Ground jaga deh 29th session Jakhama Village Day manaishe. Etu mana din deh retired senior Entomologist, Ketholeho Kulnu toh main speaker thakishe. Event time deh Ketholehu Kulnu para kowah toh, Jakhama village logode rich forest, birds aro animals para ashirbad paise aro Isor para etu bosti logode besi grace korikena ase. Tai para jama howah khan logode forefathers laga phal values toh bachai kena rakhibole aro practice kuribole koise.
Jakhama jaga laga educational institutions para student ekala ke nahoi kena bosti manu khan logodebe opai pai koise. Etu para bosti manu khan etu institution deh security, facilities aro student friendly environment debole janaishe. Dzükou valley deh tourist ahha, Hornbill festival aro NH-29 rasta para Jakhama jaga tak jaa laga ke saijaikena Kulnu para kowah toh, Jakha town toh ‘utility service’ town hobole ektum chance ase.
Kushi mana din deh tai para bosti laga leader logode nejor laga role toh thek para kuribole janaishe. Kelay koile bosti laga sob development toh tai khan opor deh thaga karni.
Jakhama Day deh Zhokhovi Kulnu, Governor’s Best Teacher award winner, Ane Khieya EAC, NPSC 2018, Rokosetuo Tetso EAC, NPSC 2018, Vimetsul Tase, Korat Thailand deh Gold medallist 33rd Kings Cup championship aro Visakhonuo Kulnu HSSLC top number 4 be felicitate korise.
Rev. Zapovil Sophie para invocation prathana korishe, Jakhama Village Chairman, Dr. Nolesel Zhotso para welcome kotha janaishe. Kezhokhoto Savi para special song gaishe aro Jakhama village laga eight Khels para folks songs korishe.
Add Comment