National

Jammu aro Kashmir, Uri te search operation launch kurishe

NEW DELHI: Jua rati Jammu aro Kashmir, Uri laga army camp te suspicious movement pa nimite security personnel khan para Uri te search operations suru kurishe.

Police spokesman news agency IANS ke koishe Rajarwani Uri laga Army Artillery Sentry te rati samay te camp osor te suspicious movement detect kurishe aro etu nimite open fire kurishe. Security personnel khan para jaga toh pura ghari loishe aro police aro Army melai kena suspects khan ke bisari ase.

Police spokesman koishe area opor te spot kura duita manu ke dhuri kena ase. Duita manu toh Nallah osor te security forces khan para spot kurishe. Security forces khan para tai khan ke check kurishe.

Sunday din te panchta attankwadi Hizbul Mujahideen aro Lashkar-e-Taiba (LeT) logote meli kena thaka khan ke Kulgam district encounter te murai dishe.

Police koishe attankwadi khan para Kulgam Kellem bosti te security personnel opor te open fire kurishe. Etu hamla para encounter suru hoishe. Attankwadi khan laga haath para bishi dangor hatiyar aro warlike stores khan paishe.