BANGKOK, AUGUST 24 : Chotu maiki bacha ke rape kura karne Thailand te 28 sal dangor Indian moda thurise. Etu moda laga naam toh Bennur Yatheesha ase koi kena khobor te janaise.
Khobor hisabte July moina laga rape chamala nemite Thursday din etu Indian moda Thailand desh laga Klong Toei district te thurise. Etubi Condo Room te. Huilebi etu moda pora toh etu 14 sal maiki bacha ke rape kuranai koi kena janaide thakise koise.
Huilebi aro etu maiki pora koa hisabte tai etu moda ke Line App te kotha bata-baji kuri kena jana-jani hua laga ase. Etubi June moina darek 30 te. Aro tai logot etu moda pora Khaosan Road te July moina darek 1 te lok kuribole janaise. Etu lok kura bejete tai logot Condo Room te luijaise. Aro tai ke Beer khela bejete tai logot rape kurise koi kena janaise. Aro etu ke moda pora kuranai koi kena juwab deraise koise.
Add Comment