MUJGUND:Attankwadi aro security forces laga gunfight te ekta manu murishe. Etu encounter te mura toh Saqib Bilal Sheikh ase. Saqib Bilal Sheikh toh Bollywood movie “Haider” te act kurishe. Etu ghatna toh Mujgund, Srinagar te Sunday te hoishe.Mujgund jaga toh Srinagar city para olop dur te ase. Etu jaga te huwa larai te 17 years old Saqib aro teent(three) attankwadi murishe.
Saqib toh 2013 laga “Haider” film te act kurishe. Saqid laga role toh khata thakishe. Tai aro tai laga 14 years old saathi Mudasir Rashid Parray toh ghor para August te missing hoishe. Sunday te mura majote Saqib bhi thakishe.
August 31 te Saqib laga ama tai ke osor laga bazaar te mangso(meat) kinibole pothaishe. Etu samay toh he Saqib laga family tai ke last dekishe.Saqib laga family tai attankwadi hoija najana confirm kurishe.Saqib toh 2017 te class 10 pass kurishe. Saqib theatre artiste thakishe.Saqib laga uncle koishe tai toh bishi local plays laga hissa thakishe. Saqib laga drama toh Srinagar aro Odisha te dekaishe.
Mr. Aijaz koishe khobor pa hesab te attankwadi join kora pichete Saqib bishi bar bosti te ghurai kena ahishe. Saqib bosti te aha samay te tai laga saathi khan ke bhi lok paishe koishe.
Mr. Aijaz koishe Saqib logote hatiyar thaka nimite tai laga saathi kun bhi tai bosti te aha kuwa nai.
Add Comment