Sports

Kerber Fed Cup play-off te nekhilibo

Wednesday din German Tennis Federation khobor dishe ki Reigning Wimbledon champion Angelique Kerber toh  Germany’s Fed Cup play-off laga deh Lativa logote khelibole thaka toh nekhilibo beemar thaka nimete.

Friday aro Saturday din Riga jaga deh indoor hard-court play-off lowah time deh Germany khan toh tai khan laga World Group status toh aro lobole biswaas koribole ase. Hoilebe etu toh tai khan laga star player nathaki kena hobo.

Kerber toh flu para dukh pai thaga phal hobo nemide dukh kori ase aro doctor para be tai logode etu hapta nakhelibole nemide order dekena ase.

Statement deh kowah toh, “Ami kushi powah nai aro Latvia tia deh miss hobole laga toh ektum mondukh laga ase.

 “Ami tai khan logode thakibole naparile be ami toh team logode contact ase aro ami biswaas ase maike khan para play-ff deh paribole”.

Team captain Jens Gerlach para Kerber laga nejide rank 85 Mona Barthel logode junishe. Etu toh German team laga replacement nemide deh ase.

Gerlach para kowah toh, “sob team para Angie toh phal hobo nemide wishes korishe aro ami khan tai logode court deh arobe joldi dekhibole biswaas kori ase”.