Sports

Khelo India Youth Games Te Maharashta Shuttlers Khan Teenta Gold Pabo Phabana

Pune, January 12: Saturday te hosts Maharashtra pora Khelo India Youth Games te badminton court te besi bhal khel dekhaise aro tate teenta gold lobo phabana ase. 

Nagpur laga Malvika Bansod pora besi bhal pora kheli kena Tamil Nadu laga Nivetha Muthukumar ke 21-12, 21-13 pora haraise aro maiki laga U-21 singles final te ponchi se. Tai opor te Chhatisgarh  laga Aakarshi Kashyap logote gold medal nimi te khelibo. Moda laga event te, Maharashtra laga Aman Farogh Sanjay aro Karnataka laga Rahul Bhardwaj laga machor te topo te khelibo.

Host state laga din laga teenta vijayta te, Arya Deshpande aro Ananya Phadke pora UP laga Navdha Mangalam aro Sonali Singh ke haraise aro Rajasthan laga Sakshi Asrani aro Ankushka Mehta ke girls doubles final te logpabo.

Moda laga semis te, Aman pora Madhya Pradesh laga Priyanshu Rajwat ke haraise. Maharashtra laga chokra pora first set toh 21-13 pora jitise, hoilebi galdi korikena second te 10-21pora harise. Aman pora etu gal pora othi kena Priyanshu 21-14 pora haraise aro title match te Bhardwaj ke log pabo. Tai pora Uttarkhand laga Dhruv Rawat ke 21-9, 21-10 pora khali 22 minutes te haraise.

Maiki laga U-17 singles semis te, Gujarat  laga fourth seed Mir Tasnim Ali nije pora othi kean Uttar Pradesh laga top seed Aditi Bhatt ke 17-21, 21-17, 21-12 pora haraise aro Uttar Pradesh laga second seed Mansi Singh ke final te logpabo. Tai pora Delhi laga Aashi Rawat ke 21-19, 21-19 pora haraise.  

Match of the day toh moda laga U-17 semi-finals te Telangana laga top seed Gandham Pranav Rao pora Arunachal Pradesh laga Tukum Laa ke haraiya te thakise.