Jowah kali (14th February, 2019) East Gate Hotel, Kohima deh Central Government laga flagship programme ek-din laga media workshop ‘VARTALAP’ loise. Etu workshop toh Government of India, Press Information Bureau, Ministry of Information & Broadcasting para ola laga ase.
Advisor of Information and Public Relations, SCERT, VG, Government of Nagaland, Toshi Wungtung para tai laga speech time deh kowah toh, ‘VARTALAP’ toh media deh shaa laga ase. Advisor para be kowah toh, media laga hallmark aro role toh observant aro participant hobo lagi. Journalism khan toh hosha aro mesha toh ke ase kobo lagi.
Tai para kowah toh, general population aro media acts logode hosiyar toh janaidebo lagi. Judi government aro target groups majode khobor toh thek powah nai koile chamala toh olabole ase. Etu para he journalist toh jati ahha laga ase. Journalist toh holistic approach hobo lagi aro half baked toh nahobo lagi koise. Pura-puri hosiyar bonabo karni knowledge aro attitude toh lagi, etu para he etu hosiyar toh practice hobo koise. Tai para freedom of speech toh corrupt nahobo lagi koise aro society deh balance para thakibo karni hosha deh balance hobo lagi koise.
Deputy Commissioner Wokha, Dr. Manazir Jeelani, Samoon, IAS para workshop time deh kowah toh, desh toh dangor hoise koilebe hesha lowah manu nathakise koile desh toh thek nahobo. Etu para media toh directly nohoile indirectly manu khan ahhaibo karni kaam laga role kori.
Tai para be media toh mirror nesana ase koise. Society logode issue deh motob pabo karni journalist khan toh jaga deh jaikena experience kuribole janaishe.
Secretary KPC, Alice Yhoshu para kowah toh, Nagaland deh central sponsored schemes khan toh besi bonai kena ase. Aro khan bona laga department para he khobor toh thek para jani. Tai para kowah toh, state administratiors tak be schemes opor deh eku geyan nathaga be thakise.
Tai para kowah toh, media toh centrally sponsored schemes deh olob he contract thaki aro department aro journalists majode contract toh olob nohoile taka be nathaka.
Tai para kowah toh, khobor thek para najana aro Press logode andhara deh rakhise koile corruption hobole besi chance ase. Tai para be journalists logode training debole laga koise kelay koile schemes deh buchikena manu khan logode kotha koribo karni.
Programme deh R.J. Tiamongla toh chair thakise. Deputy Director, PIB, Abdul Hamid, IIS para welcome kotha janaideya thakise. News Editor AIR, Kohima, Asonuo, IIS para vote of thanks dese.
Technical session time deh Administrator, KMC, Kovi Meyase topic ‘Smart City’ present kora thakise. ‘Poshan Abhiyaan’ toh Deputy Director, H&FM, Kikameren Longkumer para present kora thakise. SDO, Water & Sanitation Support Organisation, PHED, Er.Wonjanbeni Odyuo para topic ‘Swachh Bharat Abhiyan’ deh present kora thakise aro Directorate of Agriculture laga Representative para topic ‘Pradhan Mantri Fasal Bima Yojana & Farmers Welfare related Schemes’ deh present kora thakise.
Add Comment