Jowah kali Nagaland State Legal Services Authority (NSLSA) aro Kohima District Legal Services Authority toh District Administration aro alag alag government departments, stakeholders aro NGOs logode melikena Kohima Local Ground jaga deh Mega Legal Services Camp loi kena ase. NSLSA aro district counterparts toh mela meli thaki kena pura state deh legal camps toh olai kena ase aro Kohima jaga deh camp lowah melikena state deh camps lowah toh 11 district joise.
1999 sal deh suru howah NSLSA toh legal awareness othabo karni aro etu opor deh legal debo karni ektum dukh korikena ase.
Mega Legal Services Camp para underprivileged sections laga society khan logode hosiyar janaideya ekala nohoikena tai khan logode Government Departments pethor deh thaga alag alag scheme- Labour Department, Social welfare Department, NRHM, Land Resource Department, Horticulture Department aro tusara nesana ke laab paise.
Kohima local ground jaga deh one day mega legal services camp toh loise. Etu din deh Justice N. Kotiswar Singh, Judge of Gauhati High Court aro Executive Chairman NSLSA toh special guest thakise.
Jama howah jaga deh tai para kowah toh, Legal Services Awareness Camp ola toh society laga dukhiya manu khan logode motob debo karni ase ase. Aro etu toh government para scheme deya deh laab pabo karni hosiyar janibo karni deya laga ase. Tai para be Sub- Divisions aro bosti deh awareness campaign toh joldi olabole ase koise.
Inaugural programme deh Mezivolu T. Therieh, NJS Member Secretary NSLSA toh chair thakise. Rtd. Director Land Resource, Hoto Yeptho aro DC Kohima, Gregory Thejawelie para katha speech deya thakise. Cultural Vibrant, Kohima Village para special number kora thakise aro Project Coordinator NSLSA, Limasenla Longkumer para vote of thanks janaideya thakise.
Add Comment