Nagaland

Kohima deh SCERT para DIKSHA suru korishe

April 17, 2019
51 Views

16th April, 2019 deh State Council of Educational Research and Training (SCERT), Nagaland  para SCERT, Kohima jaga deh DIKSHA suru korishe. Etu toh Ministry of Human Resource Development (MHRD), GoI aro National Council for Teacher Education (NCTE) para digital ola laga ase.

DIKSHA (Digital Infrastructure for knowledge Sharing) toh 5th September 2017 deh ola laga ase. Etu toh National Digital Platform ase aro etu para be teachers khan ke phal platform deya laga ase. Etu para be teachers khan student khan logode hekhai samjai deya time deh sosta hobo nemide ase. Etu platform be 21st century deh thaga laga teaching-learning system toh thek para debo nemide ase. DIKSHA kaga main aim toh etu technology jolai kena hakhai-samjaideya toh ektum phal hobo nemide ase.

Principal Secretary, School Education aro SCERT, Government of Nagaland, Menukhol John para kowah toh, notun training method nemide suru korishe aro eu para be teachers khan logode hekha-samjaideya deh phal hobo nemide motob pabole ase. Tai para kowah toh, etu para students khan ke learning process deh hesha lobo nemide mon dangor koribole ase.

Resource person Pranshul Jain, team DIKSHA, MHRD, Project Management Unit(PMU) para DIKSHA opor deh kotha kowah thakise. Tai para kowah toh, DIKSHA laga part hesab deh Energized Textbooks (QR Code incorporated textbooks) toh bonaishe. Aro etu deh Class V laga tuita text books English aro Social Science deh cover korishe. Each textbooks deh e-contents aro QR codes deh link ase. Teachers, students aro guardians khan e-contents deh kushibole paribo aro etu toh text book deh thaga QR Codes scan kori kena hobo aro etu toh smart phones laga QR code scanner laga motob para hobo. Apuni be etu toh Google Play store para download koribole paribo.

Director, SCERT, Jack Sekhose para suru kotha kowah time deh kowah toh, Nagaland deh DIKSHA suru howah toh centre para dukh kora nemide ase aro etu toh sob state deh hekhaideya aro samjaideya toh phal hobo nemide ase. Tai para kowah toh, State deh saman khan toh besi ase. Hoilebe ketiya quality education deh ahhai etu time deh Diksha toh challenge ase. Aro etu toh bacha khan logode kekha aro samjaideya laga level toh komti thaga deh besi koribo nemide ase.

Energized textbook laga Quick Response Code (QR code)  opor deh agae khobor janibole mon hoile (http://diksha.gov.in) & (http://diksha.gov.in/nl) para janibole paribo.