Tuesday din (April 16) AMK building Kohima jaga deh tobacco para effect howah laga sensitization programme toh theme “choose life not tobacco” pethor deh loise.
Programme deh chair thakikena President AMK Kevinourheno Seyie para kowah toh, smokeless tobacco para gao ekala ke effect howah nai kena economy aro environment debe effect hoi. Etu para be ektum dukh korikena gara ke mesha meshi phelaidebole olai aro kash khan jungol khan be kothom koride. Tai para healthy living aro environment nemide tobacco ola toh charidebole koise.
Tobacco para effect howah highlight korikena Dr. Arenla Walling, District Nodal Officer NTCP para kowah toh, tobacco para pura system nohoile gao laga part deh effect hoi, Etu para be oral cancer aro tusara dangor bemari khan hoi. Dr Arenl para kowah toh, Duniya deh sobse besi oral cancer cases thaga toh India ase aro 90% oral cancers howah toh tobacco deh melikena ase. Tai para nejor laga area deh etu laga hosiyar toh phelidebole koise. Tai para be Angami Mepfu Krotho logode ektum kushi powah thanks janaishe. Kelay koile besi phak rural areas deh alag alag enforcement drives aro training lowah time deh motob dekena shaatdeya nemide.
COPTPA 2003 Cigarettes laga main provisions aro tusara Tobacco Products, Act 2003 opor deh mondukh hoi kena Achila Walling, Social Worker NTCP para kowah toh, publice jaga deh- government buildings, public transport, hotels, restaurants, parks, hospitals, school, libraries, auditorium, open auditorium, railway station, work places, cinema halls, discotheques, pubs, airport lounge aro prison jaga deh smoking Ban koribole laga aro etu deh namana etu deh namana khan logode saja debole laga kotha korishe.
Programme toh DLCC aro AMK para melikena ola laga ase. Programme deh Chakhro Women Organization, Western Angami Women organization, Southern Angami Women organization aro Northern Angami Women organization ahhai kena hesha lowah thakise.
Add Comment