Kohima District Planning and Development Board laga monthly meeting toh jowah kali (15th February 2019) DPDB’s Conference Hall, Kohima jaga deh loise. Meeting deh Deputy Commissioner aro Vice Chairman DPDB Kohima, Gregory Thejawelie NCS toh chaired thakise.
Meeting deh jowah moina meeting lowah laga ke saijai kena Aspirational Block laga recognition nemide kotha korishe.DC para house logode Cabinet para mana kotha janaideya thakise. Tai para kowah toh each district deh aspirational block toh identify koribo karni manishe koise. House para be RD Department selecting Tseminyu block para plan summit kora ke recommend koribo karni Government logode summit kuribole manishe.
Nagaland State Legal Services Authority (NSLSA) para be Longleng district deh Mega Legal Service Camp lobole laga ke kotha korishe aro ten tusara districts logode cover korishe. Kohima jaga deh camp toh 23rd February 2019 para suru hobole ase.
Project Coordinator, NLSA Limasenla Longkumer para house logode khobor janaideya toh, camp lowah laga main idea toh thek samai deh service debole laga ase. Camp time deh general public khan toh government departments logode direct connect hobole opai pabo aro government laga alag-alag welfare programs/schemes deh adjust kuribole opai pabo. Etu para tai department khan logode nejor laga department pethor deh government laga alag-alag scheme toh public khan logode janaidebole koise. Kelay koile camp toh thek para loikena kothom koribo karni.
Tai para be Legal Service Authority booths para offer toh filling forms, drafting affidavits etc para offer kuribole ase koise.
Government laga alag-alag benefits aro schemes deh laab pabo karni alag-alag booths laga volunteers para senior citizens, differently-abled aro daily wage earners logode register koribo karni motob debole ase koise.
Meeting time deh Village Adoption Committee activities sabole karni be kotha korishe. Etu time deh committees khan para tai khan laga activites report toh present kora thakise. ADC Kohima aro Core Committee Convenor, Lithrongla Tongpi Rutsa committee logode tai khan laga action plan toh joldi korikena thek time deh kothom kuribole request janaishe. Tai para be DPDB members logode Kohima Local ground jaga deh Mini Hornbill Sekrenyi Festival 25th aro 26th Feb. 2019 laga ke aro 27th Feb 2019 Touphema jaga deh lobole laga ke hesha thakibole janaishe.
Departmental activities present kora time deh Executive Engineer South Division, PWD (R&B) Kohima, Er. Vizotuo Seletsu para alag-alag type laga project highlight kora thakise.
Add Comment