Agencies: Saturday te Thibaut Courtois toh Atletico Madrid khan para balls opor te jeetibole parishe. Aro Gareth Bale bhi Real Madrid nimite bishi bhal para khelishe. Real Madrid para Atletico Madrid ke 3-1 para harai dishe. Etu toh Real laga league te fifth win ase. Real Madrid toh September pichete first time second position te ahishe. Real khan etiya Atletico para opor te ase aro Barcelona para panch points para nichete ase. Sunday te Athletic Bilbao laga khilaf te jeeti kena Barca toh tai khan laga points gap toh wapas aath points te kuribole paribo. Hoile bhi Wanda Metropolitano te aro ekdam bhal match hoishe.
Bale toh char din te dusra bar starting line-up para bahar hoishe. Wednesday te Copa del Rey te Real Madrid aro Barcelona khilaf te bhi Bale toh substitute te thakishe.
Welshman toh Real Madrid nimite tai laga 100th goal marishe.
Friday training te komor te duk pa nimite Isco toh etu match para compeletly bahar thakishe.
Add Comment