Headlines

Last 30 din deh Petrol aro diesel laga daam 50 paise aro Rs 2 para othise

February 12, 2019
24 Views

Tail market deh chamala olai thaga majode, last 30 din time deh petrol laga daam 50 paise para othise aro diesel laga daam Rs 2 para othise.

State-run fuel retailer para jowah kali petrol aro diesel laga daam 5 paise aro 6 paise para othise koise.

Jowah kali Delhi deh, ek litre petrol laga daam Rs 70.33 thakise. Ek litre petrol laga daam: Mumbai deh Rs 75.97 thakise, Bengaluru deh Rs 73 thakise, Chennai deh Rs 71.26 thakise, Gurgaon deh Rs 71.26 thakise, Noida deh Rs 70.25 thakise aro Kolkata deh Rs 72.44 thakise.Aro ek litre diesel laga daam- Delhi deh Rs 65.62 thakise, Mumbai deh Rs 68.71 thakise, Bengaluru deh Rs 67.78 thakise, Chennai deh Rs 69.32 thakise Gurgaon deh Rs 65.4 thakise, Noida deh Rs 64.85 thakise aro Kolkata deh Rs 67.40 thakise.

Etu sal suru howah time para petrol laga daam ek litre petrol laga daam Rs 1.7 tak othise aro diesel laga daam ek litre deh Rs 3 tak othise.

Rupee laga value komchor howah para be tail laga daam othi. Etu sal, etya tak Rupee toh 2% lost khaikena ase.

International market deh, Brent toh ek barrel deh $62 para business kori ase aro ek barrel deh US West Texas Intermediate (WTI) toh $52.50 para bondh korishe.