Agencies Wednesday te Liverpool khan Bayern Munich ke 3-1 para harai de kena Champions League laga quarter-finals te pungchibole parishe. Liverpool laga etu dangor jeet te Sadio Mane para Liverpool nimite duita goal mari dishe. Sadio Mane toh teen hafta agote Anfield te Champions League laga hoija 1st leg match toh suspension nimite miss kuribole lagishe. Liverpool aro Bayern Munich te huwa 1st leg match toh 0-0 para draw hoishe. Liverpool midfielder James Milner para BT Sport ke koishe Sadio Mane toh etiya bishi josh te ase aro asha kuri thakibo ke etu josh toh competition laga akhir te bhi chuli thakibole.
Dutch centre-back Van Dijk para jua season laga runners-up Liverpool ke 2-1 lead dishe aro olop samay pichete Mane para aro ekta goal mari de kena Liverpool ke Bayern Munich khilaf te 3-1 para match jeetibole modot kurishe.
Liverpool toh etiya Champions League laga quarter-finals te Tottenham Hotspur, Manchester City aro Manchester United logote samil (join) kurishe.
Milner koishe etu toh English Football nimite ekdam bhal kotha ase.
Ami khan jua saal para ekdam bhal ahesas (feelings) kuri ase. Aro ami khan asha kuri as eke ami khan etu toh aro bhi lamba loi jabole paribo.
2011 pichet etu toh poila bar as eke Bayern Munich toh Champions League laga quarter finals te pungchibole para nai.
Add Comment