Jowah kali (12th February 2019) Livingstone Foundation Hr. Sec. School, Nagaland deh Director, Ms. Loreni Sophia aro Programme Leader, Dr. Rhondemo Kikon para students maike khan nemide first time Sanitary Vending cum Incinerator Napkin Machines suru korishe. Machine toh Chief Guest, Dr. Mhasiseno Belho para inaugurate korishe. Dr. Mhasiseno Belho toh Obstetrician & Gynecologist para jani aro tai toh Belho Clinic & Nursing Home, Walford, Dimapur laga Proprietor be hoi. Incinerator cum Vending Machine ola para menstrual hygiene phal howah ke motob powah ekala nahoi kena environmental pollution be control rakhibo. Sanitary pads be lethara jama kora jaga deh aram para jolaidebole paribo.
Programme suru howah time deh LFHSS laga Chairman, Dr. Andrew Ahoto para dignitaries khan logode welcome kora thakishe aro tai para be aji kali laga maike bacha khan gender bias aro inequities para dekthari pai thaga kotha janideya thakishe. Tai toh Community Health para plan kora, Sanitary Vending aro Incinerator Machines ola para maike khan laga health aro empowerment phal hobole biswaas kori ase. Tai para be Chief Guest aro Community Health laga dignitaries logode welcome kora thakishe.
Event time deh Chief Guest, Dr. Mhasiseno Belho para maike khan nemide health aro hygiene laga kaam laga kotha korishe. Aro tai school deh students khan logode sex education aro tusara dekthari pai thaga khelai laga phal hobo koise. Tai toh CHI para maike bacha khan nemide plan kora ke lamba din motob pai thakibo biswaas kori ase. Tai para be student maike khan logode menstrual periods time deh step lobole laga aro etu time deh hygiene lobole laga kotha samjaideya thakishe. Tai para be 20 aro 40 sal maike khan logode Cervical Cancer thura para bachi kena thakibole laga kotha janaideya thakishe. Tai para Grades-IX to XII student maike khan logode ahhaibole din laga healthy life nemide Cervical Cancer laga dawai jolabole samjaideya thakishe.
Etu agae deh, Community Health Initiative laga Programme Leader Dr. Rhondemo Kikon para tai laga keynote address deh, Community Health Initiative laga Vision, Mission aro working opor deh kotha kora thakishe.
Tai laga hesab deh, CHI toh Health Development Organisation ase aro etu toh 2012 deh bona laga ase. Aro etu toh Nagaland deh health phal hobole aim kori, besi phak state laga rural population deh. CHI toh government structures, civil society, families aro health workers deh support kuribole laga aim ase.
CHI’s mission toh health deh innovative aro evidence-based solutions debole laga ase aro etu opor deh Nagaland laga social challenges debe. Dr. Rhondemo Kikon toh Medical Doctor aro Public Health Scientist ase. Poila tai toh Doctors Without Borders (MSF) aro World Health Organization (WHO) logode kaam kora ase. Tai be Germany deh International Migration and Development (GIZ/CIM) Program laga Returning Expert ase.
CHI laga Director, Ms. Loreni Sophia para machines laga demonstration dekhaideya thakishe. Tai toh Livingstone Foundation Hr. Sec. School logode ektum kushi powah thakishe aro maike students khan majode menstrual hygiene deh pura-puri putli hoijabole ase koise.
Tai laga hesab deh, machine para best menstrual hygiene supply debo aro etu laga daam toh Rs. 5 aro Rs. 10 daam hobo. Anion Sanitary Napkins toh physical health aro mental well-being phal hobo nemide bona laga ase. Market deh aji-kali thaki thaga Sanitary Napkins toh phal nai. Etu para health deh effect hobo aro cancer thuribole be ektum chance ase. Lawyer aro social entrepreneur, Ms. Loreni Sophia toh poila Bombay High Court deh Women and Child Rights laga issue opor deh kaam kori thakishe. Tai aro Dr. Rhondemo Kikon be Livingstone Foundation Hr. Sec. School laga purana student ase.
Add Comment