LONDON: Tuesday din te police koishe London te chuli thaka climate change protest te teenso (300) genika manu khan ke geraaftar kurishe. Etu nimite British capital laga kunba jaga khan te jeevan toh rukhai de kena ase.
Monday din te protestors khan toh dolong (bridge) aro sob para zaruri central rasta junctions khan toh bon kuri dishe. Etu toh kotha namana laga ekta campaign thakishe aro etu opor te Europe laga dusra jaga khan te bhi action hoi kena paishe.
Etu protest toh campaign group “Extinction Rebellion” khan para organize kurishe. Campaign group “Extinction Rebellion” toh Britain te jua saal suru kurishe. Etu toh academics khan para suru kurishe. Aro etu toh duniya laga sob para joldi grow kora environmental movements hoishe. London laga Metropolitan Police koishe ke Tuesday saam te 290 manu khan ke geraaftar kurishe
Police statement te koishe ke ami khan toh etu protest toh ahibole thaka hafta tok chuli kena jabole bhabi ase.
Add Comment