Agencies: London laga Kurdish women’s organizations para protests promote kurishe. Etu toh bhuk-hartal kura manu khan logote international community bhi saath de ase aro tai khan logote ekta hoi kena khara ase dekhabole nimite kurishe.
Saturday din te activists khan North London laga Wood Green library agay te juma kurishe. Aro Leyla Güven laga photo logote dangor banner lagaishe.
Ron Women’s Assembly, New Women, Socialist Women’s Union, Alkas Com Women’s Commission aro dusra women’s organizations statement te koishe Leyla Guven laga demand toh ami khan laga demand ase. Aro sob maiki khan ke Leyla aro dusra bhuk-hartal kura khan ke support kuribole join kuribi koishe.
Statement hesab te Kurdish manu khan laga leader Abdullah Ocalan khilaf te isolation toh bis (20) saal para chuli ase. Aro etu toh AKP-MHP alliance laga komjuri laga sign ase.
Ocalan logote kotha khotom kuribole state toh anth (end) kuribole nimite peace talk matishe. Hoile bhi state toh bishi bhal para jani ase ke Kurdish sawal laga peaceful solution pungchibole Ocalan toh key actor ase.
Add Comment