Regional

Lumding te hathi ke train para maridishe

Monday din Assam laga Hojai jaga deh Guwahati-Ledo Intercity Express train para haati ke chapaidikena muraidishe.

Khobor hisaab te, etu morija hathi toh railway track par kuri thaka dosta hathi majhotte ekta thakise.

Etu haathi ke train para gerai dikena muraidishe. Railway track par howah tusara 9 ta hati eku jokhom napai kena phal para bachishe.

 

Forests department laga officials khan khobor paikena hatsa howah jaga deh ponjishe aro hathi laga laash paishe.Tai khan joldi hi etu chamela te chanbin kuribole ase.

Ekta local manu para kuwa hisaab deh, etu haathi toh hadsaa huwa time te dusra haathi khan logote railway track paar kuri thakishe.

Tai aro koishe ki dusra haathi khan tracks khan cross kuribole parishe. Hoilebi pichede thaga thaga etu hathi toh train para mara nemide morijaishe.

Juwa sal Hawaipur Station osorte Lanka area Hojai district laga Guwahati-bound Silchar Passenger train  para chapaidikena charta haathi laga bacha murishe aro dusra toh jhokom paikena thakishe.

December 2016 te  Kanyakumari-Dibrugarh Vivek Express para tinta hathi deh duita bacha bukhikena thaka be meikena thaga ke muraidiya thakise .Etu bi Hojai laga railway track paar kura time te .

Local forest officer koishe ki”Ekta haathi toh 4 sal maiki ase aro dusra duita toh bacha bukhikena thakishe .Ekta toh 2-month-old fetus thakishe .Etu accident huwa pichede ami khan ekta 4 moina laga fetus paishe post-mortem luwa time te “.