International

Mali: Chad Laga Dosta UN Peacekeepers Murishe

Agencies: AP khobor kurishe ke Chad laga dosta United Nations peacekeepers Sunday te murishe. Etu toh tai khan laga Mali laga Kidal region te camp te attankwadi para hamla kora nimite murishe.

Al Jazeera laga khobor hesab te Al-Qaeda para United Nations Multidimensional Integrated Stabilization Mission te hamla kora laga zemadari loishe. Etu hamla te 25 manu khan bhi jokom hoishe koishe.

Al Jazeera para Mauritanian Al-Akhbar news agency laga khobor quote kuri kena koishe extremist group koisheetu hamla toh Israeli Prime Minister Benjamin Netanyahu Chad te visit kora laga jawab diya ase.  

UN Secretary-General Antonio Guterres para etu hamla toh condem kurishe aro murija manu khan laga families khan ke tai laga mon bhitor para apsos thaka janaishe aro Chad government ke bhi apsos thaka janaishe. Guterres koishe peacekeepers khan toh hamla te bishi manu mura nimite tai khan ekdam biya pai kena jawab dishe.

Secretary-General para Malian authorities ke aro shanti laga agreement te thaka armed groups kun signatories ase etu khan ke matishe. Etu toh attackers khan ke jawab dibo nimite matishe.