Manipur: “Govt pora Citizenship Amendment Bill ke ektam mana kure”, CM Biren Singh pora koise

Manipur te Citizenship Amendent Bill ke khilaaf kuri kena protest aro bandh jaa somoi te, Chief Minister N Biren Singh pora koise ki judi CAB laga under te Manipur nahoile North East khan ke charibole clause nadhaliya tok nahoile Manipur People Bill nadiya tok toh Government pora ektam Citizenship Amendment Bill (CAB) ke khilaaf ase. Chief Minister laga Secretariat te Fish Farmer khan ke loan bhag kura laga event lowa somoi te tai etu koise.Etu function toh Fisheries Department khan pora organized kura dhakise. Chief guest hoi kena etu function te kodha kura somoi te, Chief Minister pora koise ke Citizenship Amendment Bill karne manu khan mon dukh kura toh  hosa aro thik ase.Tai pora etu be clarifies kuri se ki Government toh manu khan logot te ase aro state aro manu khan karne fight kuribo aro tai koise ki Government pora manu khan laga CABkarne  mon toh kura aro CSOs toh  jane aro manu khan ke  protest kura somoite alak communities khan laka mon dukh kura toh rukhi bole koi dise.