Headlines Regional

Manipur te Returning Officer para CM Biren Singh ke Show-Cause Notice Dise

IMPHAL, April 17: Inner Manipur Parliamentary constituency laga Returning Officer (RO), Naorem Praveen para Manipur laga Chief Minister office ke show-cause notice dise. Kile koile state chief minister Nongthombam Biren Singh para Congress candidate O. Nabakishore Singh logote khilaf bodnam koriya laga speeches dikena Election Commission laga Model Code of Conduct logot khilaf koriya nimite.

Salam Ranjan Singh, Chief Minister laga personal secretary laga haat te diya notice para office ke April 17 laga aagete samjai diya kotha dibole koise. Juti etu pura koribole pariya nai koile  etu mamla toh ‘ex party’(aalag party thik howa) hoi jabo. O. Nabakishore, Manipur laga purana chief secretary, toh inner parliamentary constituency para April 18 te khara kori ase.

Nabakishore para tai laga complaint te koise ki CM para tai logote khilaf BJP political conference te personal hamla korise. Etu conference toh Yumnam Khunou, Imphal East district te March 29 te loise.

Etu RO para koise ki District Election Office, Imphal East para video footage sobud logote tai para kowa kotha lekhikena  ekta report dise.