CHICAGO:Officials Thursday te koishe Seattle para Dallas te jai thaka Southwest Airlines flight mid-flight para ghuraishe. Manu laga heart toh board te chara jana nimite Airplane toh wapas ghuraishe. Plane toh eastern Idaho opor te thakishe. Etu toh journey laga 600 miles(950 kilometers) majote thakishe. Airplane laga staff para “life critical cargo shipment” doard te chara toh yaad kurishe. Etu life cargo toh California para Seattle hospital te loi jai thakishe.
Airline Spokesman Dan Landson AFP ke koishe Ami khan error toh realize kora logote ami khan immediately Seattle wapas jabole kaam kurishe.
Airline para organ ship kora company laga naam mention kora nai. Airlines para details bhi confirm kora nai.
Seattle Times khobor kurishe flight captain bhoi laga passengers khan koishe ke cargo te manu laga heart ase.
Etu error para char ghonta nuksan kuri dishe. Experts koishe manu laga heart toh transplant no kura agote typically char ghonta para choi ghonta he rakhibole pare.
Dr. Andrew Gottschalk Times ke koishe etu hadsa toh “horrific story of gross negligence” ase koishe. Newspaper para heart toh kuntu hospital loi jaishe locate koribo para nai.
Add Comment