Sports

Mbappe Toh Ligue 1 Te 14th Goal Score Kurishe

January 14, 2019
32 Views

PARIS (AP) Saturday te Kylian Mbappe toh French league te 14th goal marishe. Mbappe toh Paris Saint-Germain aro Amiens laga game te tai laga 14th goal toh marishe. Paris Saint-Germain toh Amiens opor te 3-0 para jeetishe.

20years thaka Mbappe toh khali 13 games te 14 goals marishe. Jua season te Mbappe toh 27 matches te 13 goals PSG nimite marishe. France laga World Cup star toh 2017 te 15 goals mara laga record toh pungchibole ase. Mbappe toh Monaco 2017 te Monaco logote world season title toh jeetishe. Amiens against te jeeta nimite second place te thaka Lille para PSG toh 13 points clear hoishe. Edinson Cavani toh 57 minutes te penalty spot para goal mari kena PSG ke game laga ahead rakhishe. Mbappe para 70th te goal marishe aro center half Marquinhos para 79th minute te goal mari kena scoring toh complete kurishe.

Wednesday League cup te PSG toh struggler Guingamp logote pra home defeat hoishe. PSG. Amiens logote para jeeta nimite wapas jeeta laga rasta te ghurai ahishe.

Amiens halftime agote PSG against te perfect sucker-punch dekena olop para PSG against te goal diya nai. Midfielder Eddy Gnahore para mara ball toh goalkeeper Alphonse Areolapara kick mari kena hatai dishe.

Etu ball goal keeper para hatai diya nimite PSG khan half time te relieve thakishe. PSG team te  Brazil star Neymar missing thakishe. Neymar toh coach Thomas Tuchel para rest kuribole de kena thakishe. Neymar toh Guingamp against te khela samay te knee te minor knock para duk pai kena thakishe.

Qatar para own kora PSG toh Sunday te Doha te fly kuribole ase. PSG Doha te char-din training camp nimite jai ase. Amiens toh game toh bhal para control kora deki thakishe. Kitiya Angel Di Maria laga shot block kuribole midfielder Alexis Blin slide kuri kena tai laga haat te lagishe etu samay para tai khan laga momentum toh harai jaishe. Neymar na thaka nimite Cavani para penalty toh loishe aro goal mari kena tai laga 11th league goal marishe. Game laga second half majote Amiens khan dosta player he hoi jaishe. Kitiya left back Khaled Adenon toh game para duita yellow pa nimite bahar hoishe. Khaled toh Mbappe ke tana nimite etu hoishe. Olop samay pichete Mbappe para dusra goal dishe. Etu goal toh Cavani para cross bhal diya nimite hoishe. Etu pichete Marquihos para third goal toh de kena PSG karne game toh seal kuri dishe.