Agencies: Monday te forest official koishe ekta cannibalism laga kitiyaba he huwa case te ekta tiger para dusra tigress ke muraidi kena khai dishe. Etu toh Madhya Pradesh laga famous Kanha Tiger Reserve te hoishe.
Kanha Tiger Reserve’s field director K Krishnamurthy PTI ke koishe kunba ground duty officials khan feline laga matha laga hardi aro charta limbs paishe koishe. Etu majote ekta toh olop khaide kena thakishe. Etu toh ground duty officials khan Saturday te Mundi-Dadra laga reserve core area te patrol kora samay te paishe. Etu jaga toh Madhya Pradesh laga Mandla district te ase.
Etu jaga te tiger dhekishe koishe aro kotha hesab te etu tiger para he dusra tigress ke muraishe. Mr k Krishnamurthy koishe proof pa hesab te tiger territorial nimite larai kora samay te trigress ke 700 meters tani kena hoi jaishe koishe.
Madhya Pradesh te national janwar nimite choita reserves ase. Aro Madhya Pradesh ke bishi bar ‘tiger state’ bhi koi. Etu choita reserve majote naam thaka toh Bandhavgarh, Pench aro Kanha tiger reserves ase.
Add Comment