Meghalaya laga border karne bi chamela biche te Langpih usor te Umwali te jokom bai kena Assam police logot te chamela ulaise, West Khasi Hills District administration pora Friday te Langpih aro Assam border ushor te Section 144 CrPC julaise.
Section 144 CrPC julai diya hesab te, Manu khan ke illegal arms aro alak bandhuk khan ekjun nahoi le group pora bhi najolabo aro misha mishi chamela ke rukhabole panch jun pora upor jama nakuribo lake koi kena mana kuri dise.
Etu upor te likhi kena Dhaka kanun ke kon pora khilaaf kuri kena bapo etu manu ke Acts aro kanun hesab te sajai dibo.Etu order toh dusra alak order nadiya tok force te joldi julai kena suru kuribo.
Aji ulab ake te, chief minister por koise kidya kontu side pora be developmental kam ahibo etu somoy te assam logot interstate boundary issue ula toh nuton kodha nahoi.
Tai pora etu be inform kurise ki State government enika chamela aro naulabole karne kodha ektam phal pora kurikena ase.
Langpih ushor te Umwali te electrification issue karne Assam police pora Thursday te Khasi khor khan aro MeECL laga staff khan logote khilaaf kuri kena biya pora lathi-charge julai kena bishi manu khan jokom baise.Maiki khan aro bacha khan milai kena 28 manu nishina etu chamela te jokom paise.
Add Comment