Regional

Mizoram Te Bru Ke Wapas Bothaibole Samoy Toh Centre Pora Postpone Korise: Home Minister

AIZAWL, March 21: Mizoram Home Minister Lalchamliana pora Wednesday te state legislature ke khobor korise ki Tripura laga choita relief camps te thakiya Brus khan ke wapas bothabole laga samoy toh Centre pora September 2018 nahoikena March 31, 2019 te postpone korise.

Zoram People’s Movement (ZPM) members V L Zaithanzama aro C Lalsawivunga laga sawal ke lekhikena jawab diya te, Lalchamliana pora koise ki wapas bothaibo laga kam toh Centre logote kotha koriya bicchete aro jalu koribo.

Tai pora koise ki etu toh Centre, Mizoram government, Tripura government aro Mizoram Bru Displaced People’s Forum (MBDPF) khan majote milikena lowa fesla laga hisab te ase.

MBDPF toh jowa teen saal aagete July pora loikena Tripura laga choita relief camps te thakiya Bru refugees khan laga ekta umbrella organisation ase.

Etu relief camps khan toh October, 2018 pora bondh koribole thakise.

Etu fesla toh Tripura state government pora julaibole thakise aro Mizoram government logote Delhi te sign koriya etu fesla jula laga ekko official khobor nai, tai pora koise.

2010 pora loikena etiya tak, 1,681 nisina Bru ghor manu khan toh Mizoram te wapas ahise aro Mizoram-Tripura-Bangladesh border Mamit district, Mizoram-Assam border Kolasib district aro Lunglei laga Mizoram-Bangladesh border southern district te buhi ase.

Tai pora koise ki November, 2016 te 5,407 Bru ghor manu khan ke Mizoram laga asol manu khan ase koikena jini paise, etu majote khali 33  ghor manu khan hi 2018 laga samoy te wapas ahise aro pajiya 5,374 Bru ghor manu khan toh relief camps khan te paji kena ase.