AIZAWL, March 14: Ruling Mizo National Front (MNF) pora Wednesday te khobor korise ki C Lalrosanga, Doordarshan laga ekjun purana Director General, toh Mizoram laga ekta Lok Sabha seat nimite party laga official candidate karne hobo.
Chief Minister aro MNF president Zoramthanga pora Lalrosanga laga naam khobor korikena etu bi koise ki MNF toh ekko party logote alliance nathakibo aro Lok Sabha election te nijor ekla khara koribo.
Lalrosanga toh ekjun purana Indian Broadcasting Programme Service (IBPS) officer ase aro tai toh Doordarshan laga Director General punchikena retire hoise.
Zoramthanga pora etu bi khobor korise ki Zodintluanga, ekjun purana student leader toh Aizawl West-I seat laga by-election nimite party laga candidate karne hobo. Etu by-election toh Lok Sabha election logot saath thakibo.
MNF president pora koise ki party toh BJP nahoile aalag party khan logot haat namilaibo aro election te nijor ekla khara koribo.
Etu samoy te, BJP state unit president Prof John V Hluna pora khobor korise ki saffron party(BJP) toh ekta Lok Sabha seat aro Aizawl West-I Assembly constituency laga bypoll te bi nijor ekla khara koribo.
National People’s Party (NPP), kono NEDA laga hisa karne bi ase aro People’s Representation for Identity and Status of Mizoram (PRISM) party pora bi khobor korise ki tai laga laga maksat bi election te nijor ekla khara koribo koikena.
Opposition Zoram People’s Movement (ZPM) aro Congress party pora fesla loise ki parliamentary election aro Assembly bypoll nimite bi alliance bonaikena ekki nisina candidates junibo karne.
Add Comment