Kohima, 06 December: Thursday din office Meeting Hall jaga deh Principal Accountant General (A & E) Kohima laga office pora Mobile App ‘nGPF24X7’ olaise. Etu din deh Addl. Chief Secretary & Finance Commissioner, L. Temjen Toy, IAS toh Chief Guest thakishe aro Principal Account General (A &E) Telangana, Hyderabad, S. Snehalatha, IA & AS toh special guest thakishe. Mobile App ‘nGPF 24×7 ola Chief Guest, L. Temjen Toy pora speech time deh kowah toh, mobile App ‘nGPF 24×7 ola pora etya department toh agae jabole paribo aro state government toh Department osor deh besi mela meli hoikena annibo, AG Department aro state government majode. Tai pora kowah toh, digitalization logode etya pension kaam toh eektum phal pora kuribo. Poila GPF statement details toh paper deh thakishe, etu bechide computer deh aro etya Mobile App deh hoise koikena janise. Addl. Chief Secretary pora AG department logode congratulate kora thakishe. Kelay koile department khan GPF statement toh e-mode deh phal pora kuribole para karni aro department toh agae loijaa karni. S. Snehalatha, IA & AS, Principal Account General (A &E) Telangana, Hyderabad pora tai laga speech time deh kowah toh, Principal Accountant General (A & E) Kohima laga office toh mobile App ‘nGPF 24×7 ola pora ekta step agae othise. Tai pora department khan ektum dukh korikena para karni congratulate kora thakishe. E. Mhonbemo Patton, IA & AS Principal Accountant General (A&E) pora welcome address time deh mobile App ‘nGPF 24×7 laga khobor janaideya thakishe. Kahoto J Yepthomi, IA&AS, Deputy Accountant General (A&E) pora vote of thanks kora thakishe. Tai pora Somnath Sui, Scientific/Technical Assistant arp Mobile App ‘nGPF 24×7 bona NIC Nagaland State Centre logodebe thanks janaideya thakishe. Mobile App laga katha powerpoint presentation be Hemanta Kr. Saikia, SIO Nagaland aro Kemvu Elah, Addl. SIO, Nagaland pora kora thakishe. Programme deh Akum Chuba, Sr. A.O/GPF toh chaired thakishe.
Add Comment