Kohima, 06 December: Thursday din Ministry of Health & Family Welfare laga delegation logode Preeti Sudan, Secretary to Government of India pora lead kori kena Minister for Health & Family Welfare Nagaland, S. Pangnyu Phom logode tai laga official residence jaga deh matha thakishe. Official khan ahha pora State laga alag-alag health schemes laha performance nemide kushi powah kotha janaideya thakishe. Aro tai khan State pora fund ola deri howah karni be kotha kora thakishe. Kelay koile programme bona deh dekthari pai thaga karni. Union Secretary pora be Kohima jaga laga ahhibole Medical College nemide State pora joldi operation korile phal ase koikena janaideya thakishe. Etu collage pora healthcare ekala deh phal kora nahoi kena State deg doctors komti hoikena dekthari pai thaga be motob pabole ase. Preeti Sudan pora be Utilization Certificates toh thek time deh debole janaideya thakishe. S. Pangnyu Phom pora delegation logode welcome kora time deh Government of India laga Secretary, Preeti Sudan logode thanks janaideya thakishe. Kelay koile Statehood hoikena 55 sal howah deh High Level Delegation of Health Ministry Officials toh first time state deh ahha karni. Minister toh Central Officials logode kushi powah thakishe. Kelay koile Nagaland deh health schemes othabole aro Central Government establishments besi bonabo karni Criteria for Allocation of Resource Envelop, Enhancement of NHM Resource Envelop, NITI Aayog Ranking aro lagi thaga MOHFW laga Regional Office deh saijaa karni.
Add Comment