HYDERABAD: Shahar (city) te human trafficking toh din-din bishi hoi thaka nimite. Etu genika he ekta case te 42 years ama laga chokora para External Affairs Minister Sushma Swaraj ke tai laga ama ke bacha bole modot mangi kena pungchishe.
Mohd. Sardar toh Mehraj Begum laga chokora ase. Tai para ANI ke koishe ke jua saal Mohd Aleem laga naam laga agent para tai laga ama ke approach kurishe. Aro tai ke Kuwait te beautician laga kaam laga kotha kurishe. Agent para tai laga ama Mehraj Begum ke monthly salary toh Rs 40,000/- hubo koishe. Etu kotha pichete Mohd. Sardar laga ama toh 24 September 2018 te Kuwait nimite jai jaishe.
Mohd. Sardar koishe ke tai laga ama Begum ke tai ke tai laga employer khan para receive kurishe aro tai laga ama begum ke ghor te kaam kura manu hesab te kaam dishe.
Mohd. Sardar koishe employer khan para tai laga ama ke wapas India te pothabole Rs. 2 lacs demand kurishe.
Mohd. Sardar koishe ami khan kenika dui lakh dibole paribo. Moi laga ama ke tai laga kaam diya manu khan para bishi duk de ase. Aro ti ke bhal para bhi baath khabole na de kena ae. Moi local police station te bhi jaishe aro agent laga khilaf te FIR lodge kurishe.
Police koishe etu manu toh India te wapas ahi ja pichete tai laga khilaf te action lubo koishe. Dukh bishi pa nimite napara hoi kena dui din agote tai Kuwait laga Inidian empassy te jaishe. Begum laga passport bhi tai ke kaam diya manu khan laga haath te ase.
Mohd. Sardar koishe moi EAM Sushma Swaraj te request kuri ase ke moi laga ama ke bachai kena wapas ghor te ani dibi.
Add Comment