YANGON: Monday te French embassy confirm kurishe ke Myanmar parliament opor te drone ura (fly) nimite French tourist ke police para arrest kurishe. Myanmar parliament toh Myanmar laga capital Naypyidaw te ase.
Khobor hesab te etu manu toh government building opor te drone urabole kosis kuri thakishe. Etu kaam toh Myanmar kanoon te illegal ase. 2017 te bhi teenta journalists aro tai khan laga diriver toh etu eki karan nimite jail hoishe.
Local media para arrest huwa French manu laga photos aro tai laga passport details aro tai laga drone laga photos publish kurishe.
Embassy koishe Myanmar te aha French mota ke drone parliament opor te ura nimite Thursday February 7th saam te arrest kurishe. Tai khan koishe ke etu French mota toh Naypyidaw te etiya bhi detention te ase.
Embassy koishe French mota laga family ke tai arrest huwa laga kotha toh inform kuri dishe. Aro embassy toh Fresnch mota ke charibole dibole pura kosis kuri ase.
French mota toh drone kile parliament opor te urai thakishe. Etu kotha toh etiya bhi clear nai. Aro Myanmar authorities khan bhi etu opor te kotha kuribole available thaka nai.
2017 te Singapore aro Malaysia laga journalists Lau Hon Meng aro Mok Choy Lin para Turkish state broadcaster TRT nimite documentary banai thakishe. Etu toh tai khan October 2017 te arrest huwa samay te hoishe. Aro tai khan logote Myanmar reporter Aung Naing Soe aro driver Hla Tin bhi arrest hoishe.
Add Comment