ORLANDO, FLA.: NASA pora Friday te koise ki tai khan Russian rocket te tweita astronaut seats khenibole phabana ase kile koile juti Elon Musk laga SpaceX aro Boeing Co. pora bona launching system te deri hoise koile julaibo karne.
Etu US space agency toh Russia laga Roscosmos program pora tai khan laga astronauts toh orbital space station te $80 million per seat laga daam pora bothaibole modot mangibole laagise, NASA pora koise.
2019 bicche te U.S. crew nimite spacecraft te seats ekta bi nai aro ekta NASA advisory panel pora Friday te koise ki U.S. space program ke ajanak laga fesla bonai bole koise juti Boeing aro SpaceX te diktari olai kena deri hoilebi station punchibo paribo karne.
“ki samoy te hoilebi U.S. crew members nathakiya pora ISS operations toh julaibo naparibo laga halat hobo,” NASA pora Wednesday te tai khan laga khobor te lekhise.
NASA pora Tesla Inc Chief Executive Elon Musk laga SpaceX, aro dangor aerospace company Boeing ke space te astronauts bothaibole aalag launch systems bonaibo karne $6.8 billion dise hoilebi etu tweita companies bi konoba technical diktar pai ase aro deri hoi ase.
NASA pora jowa habta khobor korise ki, tweita contractors ke bi hardware testing aro aalag kam toh khotom koribole janai dise. U.S. space agency pora koise ki SpaceX toh etiya tai khan laga un-crewed Crew Dragon test flight toh Feb. 23 nahoikena March 2 te koribole ase, aro tate tai khan laga astronaut flight toh July te thakibo.
NASA pora koise ki Boeing laga un-crewed CST-100 Starliner toh April laga bicche te hi uribo, aro tate Boeing laga crewed mission toh August te thakibo.
“Asol toh, diktari khan toh etu test flights koriya samoy te hi jini pabo,” NASA pora lekhise.
Add Comment