Nk Exclusive

National Integration Tour laga flag off ceremony korishe

National Integration Tour flagging off ceremony te ahikene thaka Brigadier, M.S. Siddhu, Commander, 5th Assam Rifles, Sachit Suri aru dusra officials khan laga noksha.
National Integration Tour flagging off ceremony te ahikene thaka Brigadier, M.S. Siddhu, Commander, 5th Assam Rifles, Sachit Suri aru dusra officials khan laga noksha.

Zunheboto, November 30: 29th November 2016, Town Hall, Zunheboto te National Integration Tour flagging off ceremony korikene thakishe. 5th Assam Rifles, Zunheboto pora Sumi Youths karone eitu New Delhi aru Agra City exposure tour ke sponsor aru organize korikene thakishe.

Commander, 7th Sector HQ, Brigadier, M.S. Siddhu toh eitu function laga Chief guest hoikene occasion ke grace korikene thakishe aru tai pora koise, eitu nisena tour ke misuse nakorikene society te thaka Sumi youths majote awareness aru social responsibilitiesani dibole karone utilize koribole lage.

Assam Rifles laga role opor te kotha korikene Brigadier pora koise, role aru responsibilities toh society te shanti (peace) ani dibole laga kaam ekla nahoikene manuh khan karone developmental activities  ani dibole karone ase aru eitu nimite nana kisim projects – water schemes, community infrastructures aru sports facilities nisena kaam khan Assam Rifles pora kori dikene ase. Tai pora tour team ke encourage korikene koise, hodai manuh khan laga expectations opor te thakibi aru ami khan laga country laga responsible citizens hoi jaikene thakibi.

Commandant, 5th Assam Rifles, Sachit Suri pora koise, country laga dusra jaga te hoi thaka developments ke sabo dibole karone eitu tour toh Sumi youth khan karone organize kori dikene ase. Eitu tour laga success karone Sumi Hoho aru Administration pora support korikene thaka karone Commandant bisi khusi paikene ase koikene janai dishe.

President, Sumi Hoho, Toniho Yepthomi pora speech korikene Commandant 5th Assam Rifles, Sachit Suri aru tai laga subordinate officers ke acknowledge korikene thakishe kile mane tai khan pora younger generations ke higher level te loi jaikene thakibole initiative loikene thakishe. Youth khan toh change karone missionary hoikene thakibo, tai khan laga bhabana ke bhal karone bodli korikene thakibo aru society ke contribute koribole ami khan laga manuh khan ke educate korikene thakibo koikene Yepthomi pora asha (hope) kori ase koikene janai dishe.

Eitu program te ahikene thaka khan majote SDO (C), Shanavas IAS, SP, Zunheboto, Krodi Rhetso, Lt. Colonel, 5th A.R, Gopa Kumar, EAC (P), Sakuchingmak, Sumi Hoho officials, Sumi Kiphimi Kuqhakulu (SKK) aru dusra dignitaries khan thakishe.