Mumbai: Punjab Cabinet Minister aro Kapil Sharma Show laga member Navjot Singh Sidhu, ke Pulwama terror attack te chemela comment kura karne comedy show chari dibole koise.Reports laga hesab te, tai ke botli kuri kena Archana Puran Singh hobo.
Development laga kodha te, source pora Indian Express ke koise, “tai laga kodha toh bishi manu pora phal pora lowa nai.Aro, channel aro show bhi etu nahowa chamela te bhashi dhakise.Etu toh Navjot pora show pora ulap tur dhakibole kowa somoy te team pora decide kura biche te hoise. Team pora Archana logot te tweita episodes nishina bonai loi kena ase.”
Etu ke initiate nakura khan, post-Pulwama terror attack 40 Indian sepai mura te, Navjot Singh Sidhu pora koise, “Nations pora enika sorom terrorists chamela te responsible nalobo lage. Terrorists khan logot te section aro religion nai.Tai khan bhal aro biya be ase.Institution sob te tai khan ase.Sob nation te tai khan ase.Biya khan ke sajai dibole lake.Hoile be ekjun ke enika sorom chamela karne blame nadibo lake.”
Tai laga comment biche te, social media jula khan pora internet te tai ke kali dibole suru hoise aro The Kapil Sharma Show pora tai ke chari kena jabole koise.
Add Comment