Dimapur, December 13: Dimapur District Basketball Association (DDBA) pora 4 U-18 aro 2 officials koikena Northeast 3×3 Challenge 2018 te hisa loise. Ito competitions December 10-12 Shillong, Meghalaya te khilise.
League phase te Team DDBA pora Group A top korise hoilebi quarter final match ke Team All Star Junior logote olop man pora 6-8 koikena harise. Captain Marshal pora koa toh, “ Team DDBA karoni ito competitions toh phal exposure thakise” inaka koishey.
Tiameren Amri, vice-president of DDBA team laga manager thakise aro tai pora koa toh “ The NE 3×3 challenge toh ektum phal pora organised kora game thakise aro youth khan majote pishe popular games ase. Amikhan ito games Nagaland te bhi anipo phapna ase. Dimapur te aha sal organized koribo nimete Touchline – NE logote kotha kori ase” koishe.
DATE: 13/12/2018 TIME: 8:21 PM
Add Comment