KATHMANDU, NEPAL: Sunday te ekta chotu plane Mount Everest osor pora udibole kura time te ulta hoikena duita helicopter ke marishe .Etu plane crash para tin jun murishe aro tin jun toh jhokom paishe .
Etu chamela toh Lukla airport kuntu toh Everest region laga main gateway ase .Aro etu duniya te landing aro take off nimete sobse dikdar jaka ase .
Lukla airport official Ema Nath Adhikari AFP ke koishe Let-410 laga ekta co pilot Summit Air bound Kathmandu laga aro ekta police officer ground te thaka spot te murishe.
Kathmandu laga ekta hospital te aro ekta police te kaam kura anu murishe .
Etu plane toh helipad para sl take off kura time te slipped kurikena duita helicopter logote laga lagi hoishe .Etu chamela te jhokom huwa khan Kathmandu te luijaishe treatment nimete “Adhikari koikena janaishe
“Ami khan najaneh etu accident toh kinika hoishe”. Lukla airport toh thousands nishena trekkers aro climbers kun khan hudai sal Everest te jabole nimete ahe thakeh ,etu nimete tai khan etu chulai thakeh.
Etu bishibak toh April moina te busy thakeh kile koile toh etu time te spring mountain climbing season shuru hoi.
Sal sal te Nepal’s aviation industry toh uthi thakeh .Aro Himalayan nation kuntu te road access toh bishi komti thakeh enika huwa karne tourists aro saaman khan luijai thakeh.
Hoilebi etu desh te emam bhal nai air safety record khan nimete .Etu ki karne ase koile toh weak training aro maintainance bishi biya thaka karne ase .European Union khan para sob Nepalese airlines khan bondh kuri dishe safety nimete .
Febuary moina te hilly east te helicopter crash hoikena 7 jun manu murishe .Etu manu mura khan te country laga tourism minister bi thakishe.
Add Comment