ISLAMABAD: Pakistan laga Supreme Court para Tuesday din te purana prime minister Nawaz Sharif ke tai laga bimar sabole dibole nimite bail dibole koishe. Etu bail toh choi hafta nimite dishe. Sharif laga umar toh 69 ase.
Tai ke jua saal December para Lahore laga Kot Lakhpat jail te de kena ase. Tai toh Al Azizia Steel Mills graft case nimite saath saal jail hoi kena ase.
Tai toh etu moina agote Islamabad High court laga khilaf te appeal kuri kena thakishe. Etu toh February 25 te medical grounds te court para mana kuri dishe.
Apex court laga teenta-member bench para etu choi hafta laga bail toh banai dishe. Etu bench toh Chief Justice Asif Saeed Khosa para head kurishe.
Hoile bhi Court para koishe ke tai etu samay te desh para bahar toh jabole naparibo koishe.
Add Comment