DUBAI: State television khobor kurishe Saturday din te Iran para tai khan laga samnay desh Pakistan ke dhamki dishe. Iran koishe Pakistan toh dangor kimat chuklabole lagibo. Etu hafta agote tai khan laga border te attanki hamla para Iran laga 27 elite Revolutionary Guards toh suicide bombing nimite murishe.
Revolutionary Guards chief Major General Mohammad Ali Jafari para Tehran laga regional rivals Saudi Arabia aro united Arab Emirates khan attanki groups khan ke support kura nimite biya pa janaishe. Iran koishe ke tai khan toh “reprisal operations” lok kuribole pare koishe.
Pakistan, Saudi Arabia aro UAE para attankwadi khan ke saath diya laga inzam toh mana kurishe.
Jafari state television te kotha kurishe ke kile Pakistan laga army aro security forces khan toh enika anti-revolutionary groups khan ke saath de? Etu kotha te toh eku shak (doubt) nai ke Pakistan toh dangor kimat dibole lagibo.
Wednesday din te huwa suicide bombing te manu mura khan laga funeral te Jafari para etu kotha kurishe. Etu toh desh laga southeastern jaga te hoishe. Iran laga etu jaga te attankwadi hamla toh bishi hoi jai ase. Etu attankwadi khan toh desh laga minority Sunni Muslims khan para hoi ase.
Add Comment