International

Paltu horin (deer) para mota ke murai dishe, maiki jokom hoishe

SYDNEY: Police koishe ke paltu (pet) horin (deer) para mota ke murai dishe aro maiki ke ekdam biya para jokom kuri dishe. Etu ghatna toh Wednesday din te Australia laga ekdam rural property te hoishe.

Sources koishe ke Victoria state te ghatna huwa ghor te emergency services khan ke matishe. Aro emergency services khan dekhishe ke mota aro maiki toh ekdam biya condition te thakishe. Tai khan duijon laga umar bhi 46 ase.

Police tai khan laga statement te koishe ke mota toh etu ghatna huwa jaga te he muri jaishe.
Sources koishe ke maiki ke akash para he uthaishe. Maiki ke Melbourne laga hospital te loi jaishe. Maiki toh ekdam biya jokom lok paishe aro ekdam biya condition te ase.

National broadcaster ABC koishe ke mota toh horin ke khana (food) khelabole ja samay te hamla kurishe. Aro maiki toh bachabole (rescue) aha samay te tai ke hamla kurishe.

National broadcaster ABC koishe koishe ke tai khan laga teenage chokora para khuri (wood) para horin ke mari kena ama ke bachaishe.

Police koishe ke janwar ke etu ghatna huwa jaga te doctors khan jabole paribole nimite horin ke murai dishe.

ABC khobor korishe ke stag toh etu jaga te choi (6) saal para thakishe.