National

Parliament Laga Attack Anniversary

NEW DELHI:17 years agete December 13, 2001 te Delhi Parliament te hamla hoishe. Parliament te huwa hamla toh India laga sob para sensational attank hamla ase. Etu hamla toh pachta(five) ekdam heavy hatiyar dhura gunmen Parliament te ahishe aro open fire kurishe. Etu ghatna te nouta(nine) manu murishe. Mura manu majote pachta(five) Delhi police para thakishe. Ekta Central Reserve Police Force (CRPF) maiki thakishe. Duita Parliament ward staff aro mali(gardener) bhi murishe. Etu ghatna para jokom huwa journalist bhi pichete murishe. Pachta(five) attankwadi bhi morai dishe.

Desh laga sob political leaders para 2001 parliament hamla te mura khan ke tribute dishe. Political leaders thaka majote President Ram Nath Kovind, Prime Minister Narendra Modi, former prime minister Manmohan Singh aro UPA chairperson Sonia Gandhi, thakishe. Tai khan logote dusra political leaders khan bhi thakishe.  

Parliament attack laga anniversary din te Prime Minister Narendra Modi para tweet kurishe Ami khan 2001 parliament hamla te martyred huwa khan ke salute kuri ase koishe. Etu hamla te martyr huwa manu khan laga himmot aro heroism para sob Indian ke inspire kure.

President, Home Minister Rajnath Singh, Vice President M Venkaiah Naidu, Union Ministers Arun Jaitley, Harsh Vardhan, Hardeep Singh Puri aro Bengal Chief Minister Mamata Banerjee bhi 2001 parliament hamla laga kotha twitter te lekhishe.