National

Parliament te Shiv Sena Protest Kurishe

NEW DELHI: 

Agi Shiv Sena members para Parliament laha bahar aro bhitor te protest kurishe. Shiv Sena para Ayodhya laga Ram Temple bana toh joldi suru koribole koishe.

Shiv Sena khan Parliament House Comples osor te thaka Mahatma Gandhi statue osor te juma kurishe. Shiv Sena members khan placards dhuri kena thakishe aro slogans halla kuri thakishe “Har Hindu ki yahi pukar, pehle mandir fir sarkar” (Sob Hindus khan temple poila lage, etu pichete government).

Lok Sabha bhitor te Shiv Sena members khan para etu same issue opor te kotha kurishe. Shiv Sena members khan Speaker laga podium osor te juma kurishe.

Shiv Sena khan aro bishi slogans halla kurishe “Modi-Yogi satta mein, Ram khade hain tambu mein (Modi-Yogi power te ase hoile bhi Lord Ram tents te ase)”.

Shiv Sena member Arvind Sawant reporters ke koishe BJP khan 2014 te power te aha samay te temple toh joldi construct koribo saki(promise) dishe, etu saki toh pura kuribole etiya samay hoishe. Sena members para Prime Minister Narendra Modi aro Uttar Pradesh Chief Minister Yogi Adityanath ke tai khan laga saki yaad delaishe.

Mr. Arvind koishe judi temple banabo koile Centre toh ordinance anibo lage koishe.