Peren, November 29: 10th Peren District Legislators football tournament toh aji 29th November 2016 te Jalukie B Village te local ground te shuru korishe.
Opening ceremony toh P.S. to Minister RD & REPA Manlem Konyak pora Chief Guest hoi kene grace koridishe. Occasion te kotha kori kene chief guest pora koishe ke Peren district ke beautiful landscapes, fertile soil aru pleasant climatic condition di kene ase aru Peren district laga manuh khan ke freedom fighter Rani Gaidinliu laga example cite kori kene encourage korishe. Tai pora players khan ke bhal discipline maintain koribole aru sportsmanship laga spirit pora khelibole koishe. Tai pora arubi koishe ke kamyab toh hard work aru dedication pora ekela ahi.
Inaugural programme toh Kiezeu Sephe pora chair korishe aru welcome address toh President PDRA Ernest Sephe pora dishe. 2015 laga best player , Salu Kulim pora tournament flame chulaishe.
Sob milai kene 22 teams pora tournament te hisa loi ase aru opening match toh defending champion Jalukie B youth Org. Vs youngster boy Tesen majotte khelishe.
Add Comment