17th April 2019 te Peren laga DC’s Conference Hall laga New DC Complex jaga deh District Planning and Development Board Peren meeting toh April moina nimete loishe. Etu meeting te DC aro Vice Chairman DPDB Peren, Sarita Yadav, IAS para sob members khan ke welcome kurishe. Etu pichede nutun members Sr. SDEO Peren Ramdi Thou, Moses Newmai, Assistant Research officer, Art& Culture Department khan laga self introduction thakishe. Sarita Yadav para sob department laga officers aro staffs khan ke dhandyaabad koishe. Kelay koile district te Parliamentary election nimete thik para kaam kura nimete .
CMO Peren para sob departments aro staff kun khan Measles and Rubella vaccination Campaign te involved thaka khan ke khushi janaise. DC Peren, Sarita Yadav, IAS para Measles and Rubella vaccination campaign laga certificates khan dishe aro etu toh DPO Social Welfare, Joseph Vikirto, Vikirto, ADC Peren, DEO aro staff Peren, DPRO Peren, DC Peren, CMO aro staff aro ANPSA agae deh dese. Government Higher Secondary School Peren te science stream khulibole nimete kotha kurishe meeting deh aro etu toh department khan logode science stream debole nemide kotha fesla korishe.
Add Comment