Phek, November 28: 28th November 2016, Phek te Phek Deputy Commissioner, Murohu Chotso pora UJLA scheme, Phek laga launching korikene thakishe.
Occasion te kotha korikene Murohu Chotso pora koise, ami khan pora komti power cholaikene thakibole lage aru sob section laga manuh khan pora tai khan laga cooperation dikene ami khan laga target fulfill hobole modot koribole lage.
Florescent bulbs laga importance opor te kotha korikene tai pora koise, florescent bulbs toh dusra bulbs pora bi komti power cholaikene thake. Eitu initative karone cooperation korikene thaka karone tai pora neighboring bosti khan ke thanks janai dikene thakishe. Lozaphuhu aru Phek Basa voti toh LED Bulbs lagaikene thaka pohila duita bosti ase koikene declare korikene thakishe.
Lozaphuhu aru Phek Basa laga Village Council chairman pora bi eitu occasion te kotha korikene thakishe aru government pora eitu programme ke launch kori dikene thaka karone eitu chaiman khan pora government ke thanks janai dikene thakishe. Phek DC pora LED laga Distribution ceremony korikene thakishe aru eitu ceremony te tai pora village leaders khan ke bulbs distribute korikene thakishe.
Add Comment