RANCHI: Official statement te koishe Prime Miniter Narendra Modi toh Jharkhand te jua kali visit kurishe. Etu samay te Prime Minister Narendra Modi toh Hazaribagh, Dumka aro Palamau te hospitals nimite foundation pathor lagaishe aro development schemes hosts toh inaugurate kurishe.
Prime Minister toh Hazaribagh, Dumka, Palamau aro Jamshedpur laga panso (500) bisna(bed) laga charta hospitals te online para foundation pathor lagabole ase.
Etu chari kena PM Modi toh Hazaribagh laga urban line water supply scheme aro rural drinking water supply nimite foundation pathor laga bole ase. Hazaribagh te charta scheme aro Ramgarh te duita scheme.
PM Modi toh Hazaribagh te 2:30pm te pungchibole samay thakishe. PM Modi para Ramgarh district laga maiki khan laga Enggineering College laga notun bana building toh inaugurate kurishe.
PM Modi toh Ramgarh laga ekta rural water supply scheme bhi inaugurate kuribole ase. Aro sewage treatment plant chari kena Hazaribagh te teenta inaugurate kuribole ase. Aro Clean Ganga programme laga Namami Gange-National Mission nichete “Madhusudan Ghat” bhi inaugurate kuribole ase.
Prime Minister primitive tribal community aro tribal studies centre nimite 2,718 piped water supply schemes nimite foundation pathor laga bole ase. Tribal studies centre toh Hazaribagh-based Acharya Vinoba Bhave University te ase.
Add Comment