Sunday din Ghazibad jaga deh CISF laga 50th rising day mana time deh terrorist group para India logode target kora ke kelaaf korikena kowah toh, “desh khan hotai dukh pai nathakibo.
Etu par Pulwama aro Uri jaga deh terrorist group para hamla kora ke Prime Minister Narendra Modi para hoise ami khan hotai dukh pai nathakibo koise.
CISF para metro stations aro airports deh security service deya nemide aro jowal sal Kerala deh flood howah ke motob deya nemide PM Modi tai khan logode ektum kushi powah kotha janaideya thakise.
PM Modi para desh deh CISF nesana khan thaga toh desh laga security nemide ektum kaam laga ase koise.
PM Modi parabe desh deh BIP culture othi thaga issue opor deh kowah toh, ketiyab desh laga security system deh dekthari howah thaki. VIP khan logode manu khan besi thaga majode security deya toh ektum dekthari laga ase aro etu ektum dangor ekta challenge ase.
Monday deh PM Modi toh Bashtrapati Bhavan jaga deh Padma awards ceremony time deh thakibole ase.
Official khobor hesab deh, next next din phali PM Modi toh scheme nohoile foundations stones thakibo nesana ase.
Election Commission’s model code suru nahowah agae deh PM Modi toh project khan joldi flag off koribo nesana ase. Jaija hapta time deh PM Modi aro tai laga ministers khan toh scheme aro project khan olabo nemide besi jaga deh peraikena ase. February 24 direk Gorakhpur jaga deh PM Modi toh farmers khan logode income debo nemide scheme suru kora thakise.
March 5 direk Gujarat, Vastral jaga deh PM Modi toh unorganised workers khan logode pension scheme debo nemide Pradhan Mantri Shram Yogi Maan-dhan Yojana inaugurate kora thakise.
Add Comment